____________________________ Победник во конкуренција на Балкански кратки филмови е филмот "ОNE"(ЕДЕН) на режисерот Вардан Тозија Победник на натпреварот на едноминутни филмови е филмот "13" на авторите: |
 |
Главна програма | Special screening | Програма на авторски филм | SPECIAL SCREENING / СПЕЦИЈАЛНИ ПРОЕКЦИИ THE TIME THAT REMAINS / ВРЕМЕТО ШТО ПРЕОСТАНУВА (2009) >>> ТРЕЈЛЕР <<< Замислете си филм што го опишува животот и маките на Палестинците кои се окарактеризирани како “Израелски Арапи“, додека живеат како малцинство во својата татковина. Сега замислете дека станува збор за комедија. Оваа контрадикција, која е напишана, режирана и одглумена од страна на Елиа Сулејман,претставува една прекрасна фузија на политиката и личноста, на историјата и хистеријата. Дејствието се случува од 1948 година па наваму, филмот го следи животот на едно обично семејство во необични времиња. Неговата перспектива е длабоко локална и целосно меѓународна, целосно ригорозна и комична. Сулејман ги комбинира апсурдните портрети и живописната сценографија како во филмовите на Жак Тати, комбинирајќи потресни моменти на семејна интимност со сцени на насилство од Израелците. Мајсторски режиран, филмот се расправа со политичката историја без притоа да се впушти во политиката. DISTRICT 9 / ОДДЕЛ 9 (2009) >>> ТРЕЈЛЕР <<< “Оддел 9” е СФ драма продуцирана од Питер Џексон, режисерот на серијалот “Господар на прстените”. Филмот веднаш стана голем хит во Америка. Направен е во документарна форма, исклучително добар и шокантен филм за гледање. НЛО се појавува на небото над Јоханесбург, Јужна Африка. Како бегалци, тие доаѓаат на Земјата и започнуваат соживот со луѓето. По 28 години нивниот заеднички оддел за живеење “Одделот 9“ се претвора во гето. Затоа, Викус (Шарлтон Копли), агент на меѓународниот орган МНУ, се обидува да изведе присилно иселување во концентрационите кампови. Додека се шета низ одделот и ги информира сите за налогот за иселување, тој без свое знаење прави еден голем инцидент кој ќе ја промени историјата на човештвото и на вонземјаните. MARY AND MAX / МЕРИ И МАКС (2009) >>> ТРЕЈЛЕР <<< “Мери и Макс” е уникатна приказна. Глинената анимација на освојувачот на Оскар, режисерот Адам Елиот (Харви Крампет) раскажува една повеќе годишна релација на допишување со писма помеѓу двајца различни луѓе: Мери Динкл, едно полничко, осамено осумгодишно девојче од предградијата на Мелбурн и Макс Хоровиц, четириесет и четиригодишен Евреин, кој е многу дебел, страда од Асперџер синдромот и живее во изолација во Њујорк. Филмот е триумф на емоцијата, досетливоста и ексцентричноста - едно целосно уживање. Способноста на анимацијата да ја прикаже комплексноста на животот никогаш порано не била апсорбирана на начинот на кој што тоа го прави овој австралиски режисер. Тој прави да заборавите што гледате. Оваа желба за прифаќање и љубов додека ја живееме болната егзистенција е маестрално раскажана од Бери Хемфрис и доловена со гласовите на Филип С. Хофман и Тони Колет. Филмот се занимава со теми за другарството, аутизмот, таксидермијата, психијатријата, алкохолизмот, од каде доаѓаат бебињата, дебелината, клептоманијата, довербата, сексуалните и религиозните различности, агорафобијата. A MATTER OF SIZE / ПРАШАЊЕ НА ГОЛЕМИНА (2009) >>> ТРЕЈЛЕР <<< Во израелскиот град Рамли живеат четворица пријатели со прекумерна тежина на кои диетите им се преку глава. Кога Херцл (155 кила) ќе ја загуби работата на готвач, ќе почне да работи како мијач на садови во јапонски ресторан, таму тој го открива светот на сумо борачите. Преку Китано (60 кила), бивш тренер на сумо борење, Херцл се вљубува во тој спорт „со двајца дебелковци во пелени со фризури за девојчиња“. Додека тренира ја открива душата на сумото, сфаќајќи дека љубовта и успехот доаѓаат само ако си доследен кон себе си. Ова е комедија за самоспознавање од поинаков вид – оној во кој луѓето со прекумерна тежина учат да се прифатат себе си. COCO BEFORE CHANEL / КОКО ПРЕД ШАНЕЛ (2009) >>> ТРЕЈЛЕР <<< Филмот се осврнува на раниот период од животот на модната икона Коко Шанел и го раскажува периодот пред нејзината империја. Од скромните почетоци, Габриел “Коко“ Шанел го следела нејзиното срце во потрага по љубовта (колку и да е таа турбулентна) и уметноста. THE MESSENGER / ГЛАСНИКОТ (2009) >>> ТРЕЈЛЕР <<< ”Гласник” е моќна и нежна приказна за воениот херој, Вил, (Б.Фостер) кој се враќа дома од мисијата во Ирак и ги прави првите чекори кон нормалниот живот. Назначен е во Воената служба за нотификација на жртвите, заедно со офицерот Тони Стоун (В.Харелсон) им ги соопштува лошите вести на семејствата на загинатите војници. Вил се соочува со предизвикот да ја комплетира својата мисија додека се обидува да најде утеха и заздравување на домашниот фронт. Кога ќе почувствува привлечност кон Оливиа (С.Мортон), на која само што и ја кажува веста за смртта на нејзиниот маж, емотивната одвоеност на Вил почнува да се раствора и филмот се претвора во изненадувачки хумористичен и потресен портрет за еден човек, за неговата тага, другарството и опстанокот. Преку моќните изведби на Фостер, Харлсон и Мортон, како и брилијантната режија на Мувермен, филмот не внесува во внатрешниот живот на навидум челичните херои за да ни ја открие нивната кршливост кога се работи за сочувство или за достоинство. SOUL KITCHEN / СОУЛ КУЈНА (2009) >>> ТРЕЈЛЕР <<< За разлика од претходните два филма на германскиот режисер Ф. Акин кои обработуваа теми од реалниот живот, неговиот нов филм е комедија, режиран со истата сила и самодоверба. Акин ја поставува својата сторија динамично, преполна со смешни, бизарни ликови и ситуации. Зинос Казанцакис (Адам Буздокус) ја води Соул кујната, еден огромен склад каде што храната можеби е спектакуларно лоша, но сепак може да се јаде. Постојаните муштерии се појавуваат секој ден да вечераат и да се напијат евтино пиво. Готвачот прави чуда од најобични состојки и постојано ги шокира муштериите. Еден ден ден меша некаков афродизијак од Перу во јадењето и се се менува. Започнува забава со баханалии. Режија: Артан Минароли Улоги: Ени Цани, Бесарт Калаку, Бруно Шлаку Земја: Албанија, Времетраење: 90 мин.  Дваесет и двегодишниот Коли студира на Универзитетот во Тирана. Кога дознава за смртта на татко му, се враќа во родното село за да присуствува на погребот. За време на една прошетка, некој се обидува да го застрела. Шокиран, младиот човек дознава дека е жртва на крвна одмазда што ја иницирал неговиот дедо пред шеесетина години. Оди да се запознае со семејството, на кое според обичаите му го должи својот живот. Така се среќава со убиецот што му го предодредила судбината. Далеку од неговата урбана средина, Коли одненадеж се наоѓа во прастар свет со немилосрдни обичаи, од кои не може да се оттргне дури и по враќањето во Тирана. DONKEY / МАГАРЕ (2009) >>> ТРЕЈЛЕР <<< Вториот филм на Антонио Нуиќ, “Магаре”, се одвива во август 1995 година, летото кога се случува воената операцијата “Бура”. Боро со сопругата и синот после 7 години оди во родното село Дриновци во Херцеговина за да се види со братот кој со семејството успеал да го напушти Сараево. Боро постојано се расправа со жена му и воопшто не разговара со татко му, кого го обвинува за мајчината смрт. За тие две недели, Боро ќе ја реши долгогодишната караница со татко му, ќе научи како да биде подобар татко и сопруг и во сето тоа едно магаре ќе одигра значајна улога.
|
|
|
|||
|
