|
|
Gala screenings / Гала проекции
Прв филм кој не е снимен во Иран на еден од најголемите филмски автори на денешнината, Абас Киаростами. “Заверена копија“ претставува реконструиран портрет на еден брак. Џулиет Бинош глуми сопственичка на галерија во Тоскана каде се запознава со британски писател кој држи предавање за автентичноста, фалсификатите и копиите во уметноста. Дискутирајќи за важноста на оригиналите и копиите не само во уметноста, тие двајца почнуваат да се однесуваат како средновечен брачен пар. Нивната бескрајно заводлива и емотивна игра нуди безброј можности за она што го гледате да го прифатите онака како вам ви одговара. Џ.Бинош за улогата во овој филм доби награда на Канскиот филмски фестивал 2010.
Филмот е сместен во 1977 година во едно мало гратче во Франција. Филмот ја прикажува Денев како прераснува од жена која е обичен орнамент во кариерата на мажот и самата станува важна личност. Таа почнува да раководи со фабриката за чадори на нејзиниот насилен маж Роберт Пужо (Фабрис Лучини), откако работниците стапуваат во штрајк и го земаат како заложник. На сечие изненадување, Сузан се покажува како компетентна и активна жена. Кога маж и ќе се врати о работите ќе се усложнат и таа ќе открие дека има политички аспирации. Жерард Депардје го глуми Маурис Бабин, бивш претседател на синдикатот и бивш љубовник на Сузан кој се уште копнее по неа. Филмот е една фантастична комедија која креира сатиричен и урнебесен приказ на војната меѓу половите и меѓу класите.
Приказната за Марк Цукерберг, основачот на најголемата социјална мрежа “Фејсбук“ во режија на Дејвид Финчер. Во 2003 година, студентот на Харвард, компјутерскиот гениј Марк Цукерберг седнува на компјутерот и почнува да работи на една нова идеја. Од таа фурија на блогови и програмирање во неговата соба подоцна настанува глобалната социјална мрежа која претставува револуција во комуницирањето. По 6 години и нови 500 милиони пријатели, Марк Цукерберг станува најмладиот милијардер во историјата... но на овој бизнисмен, успехот му носи лични и правни компликации.
Фасцинантна и хумана приказна од англиската историја е екранизирана во оваа прекрасна драма за вториот син на Кралот Џорџ 5, Принцот Алберт. Не се очекувало да го наследи тронот, и иако бил вклучен во кралските обврски, неговата говорна мана му создавала огромна тешкотија при јавните говори. Се запознава со Лајонел Лог, ексцентричен терапевт од Австралија. Неговите методи се неконвенционални и тој воопшто не го почитува кралскиот протокол. И покрај почетниот скептицизам на Алберт, упорноста на Лајонел почнува да вродува со плод. Ситуацијата се комплицира кога во 1936 година постариот брат на Алберт Едвард абдицира за да се ожени со Волис Симпсон и го остава помладиот брат да ја води земјата во време на војна.
Детективот Ди и Мистеријата на Фантомскиот Пламен е најновиот импресивен кинематографски изум на кинескиот мајстор, Цуи Харк. Прикажан во конкуренција за награди на Венецискиот филмски фестивал, филмот е приказна за легендарниот детектив Ди, кој живеел во времето на владеењето на првата кинеска императорка. Филмот го одзема здивот со прекрасната сценографија, визуелните ефекти и супериорната кореографија. Филмот е базиран на иконската фигура на Ди Ренџи, легендарен министер од времето на Династијата Танг (618-907 н.е.) кој бил познат по способноста да ги решава и најзамрсените случаи преку огромните познавања на науката и природата на луѓето. |
||
_______________________ Публиката, за најдобар филм на четиринаесеттото издание на скопскиот филмски фестивал го избра филмот Побдник во категотија на кратки Победник во категорија на едноминутни филмови е филмот КУКУРИГУ на авторите Дејан Џолев, Влатко Артисто и Крсто Златков |
||||
|
______________________________________________________________________________________________________
____________________________________________________________________________________________________________________________________________________________________
© Skopje Film Festival 2011