|
|
Main program / Главна програма
Добитникот на нововостановената Queer Palm на минатогодишниот Кански филмски фестивал, Грег Араки, се враќа со нова комедија. Филмот е едно хипер - сексуално патување на тинејџер кој се справува со својот идентитет, црната магија и мистериозниот култ. Доследен на Филмот ги покрива сите основи -сексот, драмата, научната фантастика, акцијата, хоророт споени со откачениот хумор на режисерот. Араки продолжува да биде бескомпромисно независен и субверзивен до таа мера што на ултра- конзервативците би можел да им предизвика инфаркт.
Кинески римејк на првиот филм на Браќата Коен, Blood Simple, во режија на човекот кој ги направи “Куќата на летачките ножеви” и “Клетвата на златниот цвет”, Жанг Јимоу. Се одлучи да го сними филмот на браќата Коен како древен кинески еп и го пренесува филмот од модерен Тексас во кинеска пустина во 19-тиот век. Филмот е снимeн во живописни бои, прекрасни карактери и ексцентрични костими. Сместен е во времето кога се појавуваат пиштолите, а мечевите и стрелите се се уште во игра. Ова е уште еден визуелен триумф на славниот кинески режисер. Интелигентен и комичен, веројатно најдобриот римејк на сите времиња.
Уште со првата сцена на овој филм е јасно дека талентираниот Хавиер Долан нема да остане само на еден хит филм. После планетарниот успех на неговиот прв филм “Ја убив мајка ми“, тој се враќа со уште еден солиден филм во 21-вата година од својот животот. Уште еднаш работи режија, текст и глума, како и монтажа, уметничка фотографија и дизајн на костуми. Франсис и Мари се добри пријатели, на двајцата им се допаѓа Николас , новиот убавец во градот. Додека тие се натпреваруваат за неговото внимание, паѓаат се подлабоко во својата фанатична опседнатост. Наскоро започнуваат двобој за љубовта што се заканува да го уништи нивното пријателство кое некогаш го сметаа за нераскинливо.
Последниот циркус, е бизарна црна комедија за природата на политичките конфликти во поновата историја на Шпанија. Сместен во циркус, филмот нуди една метафора за Шпанската Цивилна војна и годините на диктатурата на Генералот Франко. Војната и последиците биле предмет на многу филмови, но досега не биле толку сликовито прикажани темнината и апсурдот на овој период во Шпанија. Црниот хумор на Де ла Иглезиа е најелоквентен во оваа трагикомедија. “Последниот циркус” не носи на една непредвидлива патека која кулминира во Долината на паднатите, споменикот што го изградил Франко, како почест за војниците што погинале во Цивилната Војна. Како и двете фракции во Шпанија кои го уништија она на што му оддаваа почит, така и двајцата кловнови успеваат да ја претворат љубовта во деструктивна сила. Приказната за борбата за превласт на јакуза клановите во Токио кои се доволно моќни дури и да манипулираат со берзата. Одмаздата носи многу убиства, напади на територии и наплата на долгови, додека припадниците на полицијата се корумпирани и не сакаат да интервенираат. Насилен и неморален, “Бес“ е првиот филм за мафијата на Такеши Китано по “Брат“
Луѓето минуваат многу време во јадење, и јадењата се многу важен момент во една врска. Тоа е премисата на 18 оброци. Филмот не се фокусира на тоа што го јадеме, туку на тоа што го правиме додека јадеме. Филмот прикажува еден ден од животот на неколку интересни карактери. Појадокот, ручекот и вечерата се носители на природниот ритам на оваа сторија, трезвениот и минималистички стил им дозволува на актерите да импровизираат на сцената, дури и да експериментираат, притоа развивајќи ги сцените во различни правци. Сепак, режисерот знаел точно што сака. Приказните се движат кон двете главни сцени на средината на филмот, кои се автентични деликатеси на кинематографијата. Снимен во девет дена. 18 Јадења е одличен пример за разновидноста на шпанската кинематографија последниве години, која се шири и вон Мадрид и Барселона. Во овој случај се работи за Галиција, која почнува да го гради своето реноме на меѓународната филмска сцена.
|
||
_______________________ Публиката, за најдобар филм на четиринаесеттото издание на скопскиот филмски фестивал го избра филмот Побдник во категотија на кратки Победник во категорија на едноминутни филмови е филмот КУКУРИГУ на авторите Дејан Џолев, Влатко Артисто и Крсто Златков |
||||
|
______________________________________________________________________________________________________
____________________________________________________________________________________________________________________________________________________________________
© Skopje Film Festival 2011