After the wedding / После венчавката (2006)
Режија: Susanne Bier, Сценарио: Marziyeh Meshkini
Улоги: Mads Mikkelsen, Neeral Mulchandani,Tanya Sharma
Земја: Denmark / Sweden, Времетраење: 120 min
Фестивали: Oscar nominated / Best Foreign Language Film
Формат: 35mm
Новиот филм на режисерката Сузан Бриер е еден од нејзините најмоќни филмови до сега, номиниран за Оскар во 2007 г. Длабок и интимен, филмот е портрет за едно семејство чиј живот одненадеш се менува и кое мора да се бори со кревкоста на животот, потрагата по соединувањето, залечување на заборавени рани и на крај единственото можно: простувањето.

Witneses / Сведоци (2007)
Режија: Andre Techine, Сценарио: Laurent Guyot, André Téchiné
Улоги: Michel Blanc, Emmanuelle Béart, Sami Bouajila
Земја: France, Времетраење: 112 min
Фестивали: Berlin, Golden Bear nominated
Формат: 35mm
Ликовите во филмот и нивните приказни се пркажани преку нивната поврзаност и сложена врска и однос на секој од нив поединечно со главниот лик, хомосексуалецот Ману. Нивната релација со него има многу облици. Тој е нивен брат, љубовник, пријател дури и нивен ривал. Комплексноста на односите меѓу нив ќе ги натера да ги преиспитаат своите животни приоритети.

Nightwatching / Ноќна стража (2007)
Режија: Peter Greenaway, Сценарио: Peter Greenaway
Улоги: Martin Freeman, Emily Holmes, Michael Teigen
Земја: Canada / France / Germany / Poland, Времетраење: 134 min
Фестивали: Venice Film Festival / Open Prize
Формат: 35mm
Тема на филмот е делото на славниот сликар Рембрант, во време кога тој ја создава една од своите најпознати слики "Ноќна стража". Самата содржина на сликата станува дел од заплетот, бидејќи Рембрант открива дека на сликата всушност е убиство. Просторот на сликата станува место на случување на филмот. Судирот на Гринавеј со реалноста и просторот на екранот, дијалектиката на скриеното и откриеното, вистината и лагата, е метафора на современиот свет со кој доминира екранската реалност.

The Savages / Севиџис (2007)
Режија: Tamara Jenkins, Сценарио: Tamara Jenkins
Улоги: Philip Seymour Hoffman, Laura Linney, Philip Bosco
Земја: USA, Времетраење: 113 min
Фестивали: Oscar nominated / Actress in a Leading Role & Screenplay
Формат: 35mm
Брилијантна комедија за брат и сестра кои се принудени повторно да ги испитаат своите семејни односи и да ги надминат меѓусебните тензии за да го згрижат својот болен татко. Филмот е прекрасен со својата едноставност, но во исто време комплексен и болно реален портрет на едно дисфункционално семејство. Мачната страна на филмот не доминира поради хуморот кој произлегува од апсурдните ситуации во кои се наоѓаат главните ликови.

Darjeliing limited / Возот за Дарџелиинг (2007)
Режија: Wes Anderson, Сценарио: Wes Anderson, Roman Coppola
Улоги: Owen Wilson, Adrien Brody, Jason Schwartzman
Земја: USA, Времетраење: 91 min
Фестивали: Venice Film Festival / Nominated for Golden Lion
Формат: 35mm
Како и во сите филмови на Вес Андерсон, легендарниот автор на американската независна продукција, темата се необични семејни односи. Тројца браќа кои не биле во контакт една година, се наоѓаат во Индија во возот кој патува во провинцијата Дарџелиинг. Она што следува е меланхолична авнтура полна со бизарен црн хумор.

Irina Palm / Ирина Палм (2007)
Режија: Sam Gabarsky, Сценарио: Philippe Blasband, Sam Garbarski
Улоги: Marianne Faithfull, Miki Manojlovic, Kevin Bishop
Земја: Belgium / Luxembourg / UK /, Времетраење: 103 min
Фестивали: Berlin International Film Festival / Reader Jury Award
Формат: 35mm
Провокативна драма со Мериен Феитфул во главна улога, која ја глуми Меги, средновечна вдовица на која очајно и се потребни пари за лекување на својот внук поради што тргнува по патот по кој никогаш не помислила дека ќе оди. Се вработува како хостеса во секс клуб. Набргу се трансформира во многу барана и високо платена кол герла со име "Ирина Палм".

Deficit / Дефицит (2007)
Режија: Gael Garcia Bernal, Сценарио: Kyzza Terrazas
Улоги: Fernanda Castillo, Luz Cipriota, Gael García Bernal
Земја: Mexico, Времетраење: 79 min
Формат: 35mm
Мексиканската ѕвезда Гаел Гарсија Бернал, познат од филмовите на А.Куарон и П.Алмодовар го режираше својот прв филм "Дефицит". Дејството на филмот прикажува еден ден во животот на главниот лик Кристобал, разгалено, богато дете и забавата што ја прави во луксузната вила на своите родители. Сценариото е прекрасно нијансирано, исполнето со иронични дијалози и ситуации и дава целосен портрет на денешно Мексико и острата поделеност меѓу класите.

Import - export / Импорт - експорт (2007)
Режија: Ulich Seidl, Сценарио: Veronika Franz, Ulrich Seidl
Улоги: Ekateryna Rak, Paul Hofmann, Michael Thomas
Земја: Austria, Времетраење: 135 min
Фестивали: Cannes Film Festival \ Golden Palm nominated
Формат: 35mm
Сеидл обожува да скандализира, слично како и во неговиот претходен филм, "Dog Days", шокантните црни сцени не покажуваат почит кон никого. Филмот е мрачен портрет на Европската држава на 21 век, со екстремна деградација на спојувањето на Исток и Запад кои се повеќе почнуваат да личат еден на друг и нивниот дегутантен увоз-извоз. Сеидл повторно удри на нервот.

You, the living / Ти, што живееш (2007)
Режија: Roy Andersson, Сценарио: Roy Andersson
Улоги: Jessika Lundberg, Elisabeth Helander, Björn Englund
Земја: Sweden / Germany / France, Времетраење: 95 min
Фестивали: Chicago International Film Festival / Direction award
Формат: 35mm
За 40 години, шведскиот режисер Р.Андерсон има режирано само 4 филма. Додека филмофилите беа принудени да чекаат скоро 25 г. за неговото ремек дело од 2000 "Приказни од втроиот спрат", ви го претставуваме неговиот нов филм по само 7 г.
Да се даде краток опис на филмот е невозможно освен да се сумира како многу субјективна и мрачно иронична серија на 50 портрети на човековата раса на сегашноста. Андерсон филмот го опишува како мозаик од човечки судбини на тема како да се однесувате во присуство на други луѓе.

Breath / Здив (2007)
Режија: Ki-Duk Kim, Сценарио: Ki-duk Kim
Улоги: Chen Chang, Jung-woo Ha, Ki-duk Kim
Земја: South Korea, Времетраење: 84 min
Фестивали: Cannes Film Festival \ Golden Palm nominated
Формат: 35mm
Ким Ки Дук е маестрален по тоа што умее да направи толку многу филмско случување од многу малку материјал. Неговите филмови ги тематизира трпеливост, исчезнување, сочуствување и разни други не-случувања вткаени во будистичкиот поглед на свет. Сепак, кај него пресудни се меѓучовечките односи, при што најинтимните од нив не секогаш се љубовнички. Вајарката Јеон, која живее досаден и празен живот, го запознава Јин, убиец осуден на смрт и гради еден необичен однос со него Го посетува во затворот, ја украсува собата за посети со слики на пролет и вештачки цвеќиња, носи летни фустани во зима. Проблемите почнуваат кога ќе се вмшаат нејзиниот љубоморен сопруг и цимерот на Јин. Еве ви ја овогодишната доза на далекуисточна поезија на живеењето.

Warden of the death / Пазач на мртвите (2006)
Режија: Ilijan Simeonov, Сценарио: Ilian Simeonov
Улоги: Samuel Fintzi, Itzhak Finzi, Nikolai Urumow
Земја: Bulgaria, Времетраење: 105 min
Формат: 35mm
13 godi{no mom~e `ivee i raboti na grobi{ta. Grobi{tata se celiot negov `ivot, i rastej}i so mrtvite vsadilo vo nego obsesija i respekt kon niv. Negovite prijateli zavisat od nego. Nesre}en star ~ovek, biv{ politi~ar koj kopnee po smrtta i {minker za mrtvite, biv{ umetnik koj me~tae da naslika remek delo. Mom~eto pravi se za da im pomogne. Stariot ~ovek saka da se ubie, i zaedno so deteto go planiraat negoviot pogreb.
 

Juno (2007)
Режија: Jason Reitman, Сценарио: Diablo Cody
Улоги: Ellen Page, Michael Cera, Jennifer Garner
Земја: USA / Canada / Hungary, Времетраење: 96 min
Фестивали: Oscar for Screenplay, 3 other nominations for oscar
Формат: 35mm
Елен Пејџ ја игра Џуно, интелигентна тинејџерка која за разлика од своите врсници не е чест посетител на трговските центри. Своето време го минува со најдобриот нејзин пријател Поли Блекер. Кога ќе дознае дека е трудна, Џуно е принудена брзо да созрее и да бара родители кои би го посвоиле нејзиното бебе.Овој филм е прекрасно направен, покрај одличната изведба на Елен Пејџ има и совршениот саундтрак, одлична режија на Џејсон Рајтман а воедно тука мора да се спомене и дебито на сценаристот Коди Диабло, што го дополнува исклучителниот квалитет на овој филм.