Ве известуваме дека вториот дел од студентската компетиција ке се прикаже денес (Среда, 29.04) од 15.00 часот
-------------------------------------------------
ПРОГРАМА СРЕДА, 29. 04
КИНОТЕКА НА МАКЕДОНИЈА 15.00h СТУДЕНТСКА КОМПЕТИЦИЈА 2 17.00h HOURGLASS / ПЕСОЧЕН ЧАСОВНИК 19.00h TIME WITHOUT WAR / ВРЕМЕ БЕЗ ВОЈНА 21.00h CASH&MARRY / ПЛАТИ И ЖЕНИ
РАМСТОР 1 18.00h FACING THE DAY / ШТО СО СЕБЕ ПРЕКУ ДЕН 20.00h MARADONA / МАРАДОНА 22.00h HUNGER / ГЛАД
РАМСТОР 2 18.00h THE BAND’S VISIT / ПОСЕТАТА НА БЕНДОТ 20.00h INVOLUNTARY / НЕСВЕСНО 22.00h THE INTERNATIONAL / МЕЃУНАРОДНА ЗАВЕРА
АВТОРСКИ ФИЛМОВИ
---------------------------------------------------------------------------------------------------------------------------------------
HUNGER / ГЛАД (2008)
Режија: Steve McQueen, Сценарио: Enda Walsh, Steve McQueen
Улоги: Michael Fassbender, Liam Cunningham, Stuart Graham
Земја: United Kingdom, Времетраење: 96мин.
Виртуозното деби на познатиот британски визуелен уметник Стив МекКвин, Глад, ги проследува последните шест недели од животот на ирскиот штрајкувач со глад, Боби Сендс. Преку една беспрекорна контрола врз сликата, звукот, темпото и модусот, МекКвин испорачува еден прецизен и разурнувачки портрет на начинот на кој се генерира политичкото насилство, посебно на тоа како се манифестира врз обичниот човек. Во 1981 година, конфликтот во Северна Ирска е една смртоносно сериозна битка. Преку благородни сцени, Глад го етаблира контекстот на смртоносните напади на Ирската Републиканска Армија од една страна и на безмилосната репресија на Владата на Маргарет Тачер од друга страна. Сендс и неговите другари затвореници, започнуваат со протест, барајќи да бидат третирани како политички затвореници и одбивајќи да ги носат затворските униформи или да се бањаат. Конфликтот ескалира, затворениците се претепани, и како што несогласувањата се шират надвор од ќелиите, ниеден стражар не е повеќе сигурен.
INVOLUNTARY / НЕСВЕСНО (2008)
Режија: Ruben Ostlund, Сценарио: Ruben Östlund, Erik Hemmendorff
Улоги: Leif Edlund, Maria Lundqvist, Cecilia Milocco
Земја: Sweden, Времетраење: 98мин.
Фестивали: Stockhol, Film Festival -Audience Award, Best Screenplay, Miami Film Festival -FIPRESCI Prize,Brussels
European Film Festival -Best Film
Несвесно претставува серија на приказни кои засегаат различни перспективи на моќта на групата врз индивидуата. На прв поглед хумористична и симпатична, секоја ситуација отвора дискусија околу вредноста на туѓото мислење. Човек, кој е повреден на сопствената забава, претпочита да продолжи со славење, отколку да им ја расипе забавата на другите; група на тинејџерки се смешкаат и флертуваат, туркајќи се меѓусебно се подлабоко во социјалните и сексуалните игри; учителка спроведува психолошки експеримент врз нејзиниот клас за да ја илустрира моќта на притисокот внатре во групата; на една алкохолизирана забава, еден млад човек ја испитува подготвеноста на неговите другари да му наштетат на еден од нив самите.
Замислете го Улрих Сеидл во комбинација со Аки Каурисмаки и веднаш тонот на Есенски Бал станува појасен. Црно
песимистичен, со спектакуларни моменти на екстремно црн хумор, филмот се провлекува низ транзицискиот период кој следи по распадот на Советскиот Сојуз, претставувајќи карактери кои очајно се стремат кон неостварлива среќа. Колку навистина можеме да се доближиме до другите човечки суштества? Дали е можно да се живее животот без трошка љубов? Може ли некој, кој искусил колку кршлива состојба е општествената среќа, повторно да му верува на некој друг.
AFTERSCHOOL / ПО ЧАСОВИТЕ (2008)
Режија: Antonio Campos, Сценарио: Antonio Campos
Улоги: Ezra Miller, Jeremy White, Emory Cohen, Michael Stuhlbarg
Земја: USA, Времетраење: 121мин.
Првата хипнотички сконцентрирана карактеристика на сетот на првиот филм на независниот режисер Антонио Кампос е изолираниот свет на една подготвителна школа во Нова Англија. Роберт, повлечен студент, кој повеќе или помалку живее на Интернет, ненамерно, станува сведок на ненадејната смрт од предозирање на две популарни близначки. Како што школото поминува низ процесот на тажење, кој се комплетира со меморијално видео, Роберт е се покршлив. Утехата, поддршката и решението се далеку од дофат, и тој е вознемирен и оттргнат. Кампос поседува голем интерес за животот во подготвителните школи и емоционалната неумешност на адолесцентите, и неговата формална контрола е достојна за проучување.
HOURGLASS / ПЕСОЧЕН ЧАСОВНИК (2008)
Режија: Szabolcs Tolnai, Сценарио: Szabolcs Tolnai
Улоги: Slobodan Ćustić, Nebojša Dugalic, Jasna Žalica, Lars Rudolph
Земја: Hungary/Serbia/Montenegro, Времетраење: 104мин.
Фестивали: Thessaloniki Film Festival 2009 (Special Artistic Achievement), Hungarian Film Week 2008
(Best Cinematography)
Дејствието на филмот е фокусирано на Андреас Сем, млад писател кој е во потрага по своите корени, како и на сеќавањето за неговиот татко кој е исчезнат во виорот на Втората Светска Војна. Копајќи по лавиринтот на минатото, наместо да ги пронајде одговорите, тој се соочува со се повеќе прашања. На тој начин, патувањето во минатото, кое започнува и завршува во минатото, станува каталог на чувствата, сомнежите, беспомошноста и бездомништвото на еден човек од Централно Источна Европа, кој е постојано меланхоличен и посакува да му припаѓа на нешто или на некого, истовремено живеејќи меѓу различни култури и цивилизации каде честопати се наоѓа во позиција на малцинство. Делото на Киш, претставено визуелно, ја соочува публиката со паранојата на оживеаниот национализам и последиците од идеолошкото слепило.
THREE MONKEYS / ТРИТЕ МАЈМУНИ (2008)
Режија: Nuri Bilge Ceylan, Сценарио: Ebru Ceyland, Ercan Kesal, Nuri Bilge Ceylan
Улоги: Hatice Aslan, Gürkan Aydin, Yavuz Bingöl, Ercan Kesal
Земја: Turkey/France/Italy, Времетраење: 109мин.
Фестивали: Cannes Film Festival - Best Director, Nominated Golden Palm
Турскиот режисер Нури Билге Цејлан испорачува уште една стравотна психолошка драма за невидената динамика во едно нефункционално семејство.Користејќи ја фразата „три мајмуни„ како наслов и морално сидро, новиот филм на Цејлон е составен од уредно потресни тајни; зла кои не се видени, чуени или прозборени, но кои оставаат потресни последици врз животот на ликовите.Сервет (Еркан Кесал), предизвикува сообраќајна несреќа и бега од местото. Тој го наговара неговиот возач Ејуп (Јавуз Бингол) да ја преземе одговорноста. На Ејуп му е ветена голема суми на пари по неговото пуштање од затвор, но овој почетен акт на измама води до многу полоши случувања.
