|
| ГЛАВНА ПРОГРАМА | АВТОРСКИ ФИЛМОВИ | СПЕЦИЈАЛНИ ПРОЕКЦИИ | ДОКУМЕНТАРНА ПРОГРАМА |
ГЛАВНА ПРОГРАМА
Со Градот 24, Јиа Жанг Ке, ја комбинира својата дарба за документарец и фикција, за да продуцира една длабоко потресна рефлексија на минатото. Со цел да се обиде да најде заедничко тло со рапидниот прогрес во Кина, тој се сместува во градот Ченгду, каде што го документира уривањето на една државна фирма, со цел на нејзино место да биде изграден огромен станбен комплекс. Чувствителноста на Жанг Ке кон работниците кои се на пат да ја изгубат својата работа е она што го возвишува Градот 24, притоа дозволувајќи им да ја раскажат својата приказна на еден многу грациозен начин.
Ана Халгримсдотир живее во Рејкјавик со нејзините два сина. Решава да го продаде својот бизнис и да се исели од земјата. Нејзиниот бизнис, продавањето на дрога, е просперитетен и таа сака добра цена за него. Дилерот на кого ќе му го предаде бизнисот (поточно нејзиниот мобилен телефон со контакти на муштериите) и вели дека ќе ги има парите во наредните 48 часа. Во меѓувреме, Ана влегува во полно семејни авантури и нејзината кујна се полни со муштерии/пријатели, кои се забавуваат додека ја чекаат да се врати дома и да им продаде марихуана. Како што е и намерата, Се враќам веднаш е еден живописен и според зборовите на Анспах- „отворен филм: Филм кој може да го издржи лудилото и хуморот на секој од неговите ликови„.
Валцер со Башир, специфичниот анимиран документарец на Ари Фолман, оваа година на Канскиот Фестивал, навлезе во една табу тема, која никогаш порано не била третирана во израелските медиуми. Филмската хроника го анализира очигледното соучество на Израелците во масакрот од јуни 1982 година, кога околу 3000 палестински цивили беа масакрирани од страна на либанските фалангисти во Сабра и Шатила, двата кампа за избеглици сместени во Бејрут. Овој екстраординарен филм претставува лично искуство на режисерот и е првиот анимиран документарец. Покрај контрозерзната тема, замената на реалните интервјуа со анимирани секвенци го доведуваат до совршенство овој филм.
Заедничка им е страста кон латиноамериканските танци. За време на викендите учествуваат на регионални натпревари во танц. Куќата им е преполна со трофеи. Една вечер, после величествена победата на натпревар, излетуваат од патот за да избегнат самоубиец и се забиваат со колата во ѕид. Фиона ја губи ногата а Дом помнењето. Преку своите новостекнати хендикепи, еден куп слапстицк гегови и цела низа циркусарии, тие сфаќаат дека во нивната трагична ситуација се врви од комедија. Паѓаат, се враќаат на нозе, повторно паѓаат, пак се исправаат и пак паѓаат. Румба е филм за оптимизмот и хуморот со кои може да се надмине несреќата. Румба е една од најдобрите црни комедии од минатата година.
Докажаниот режисер Вим Вендерс ни ја претставува приказната на Фин, меѓународно признат фотограф чии слики се
Триесетгодишната учителка Попи секогаш има насмевка на нејзиното лице и прави се да им ги разубави деновите на луѓето околу неа со секојдневни шеги. Веќе десет години, Попи живее со нејзината најдобра пријателка Зои, колешка, чиј суров поглед врз животот, служи како перфектна рамнотежа за полниот со живот шарм на Попи. Еден ден, Попи решава дека е време за земање часови за возачка дозвола и се запишува во Аксел Школата.
Со неговиот прв филм на англиски јазик, познатиот режисер Вонг Кар Ваи не губи ни малку од заводливиот сјај и магија што ги направи толку популарни неговите кинески филмови. “Моите ноќи од боровинка” ја следи судбината на Елизабет (Нора Џонс), која откако ја напушта нејзиното момче, започнува со патување низ Америка, со цел да се пронајде себеси и да закрепне. Застанува во Мемфис, каде што започнува со работа во две смени, дење во ресторанот и ноќе во барот, и го надгледува пропаѓањето на еден пар со проблеми (Дејвид Стратхајм и Рејчел Вајс).
Ниско-буџетен независен израелски филм со многу душа во себе. Филмот е паметен, искрен и хумористичен. Премисата е едноставна, но затоа ликовите се комплексни. Ја раскажува приказната на еден египетски полициски бенд од Александрија кој е поканет да одржи концерт во Израел и притоа се губи во погрешен град. Најдоброто нешто во филмот е што тој не се држи до вообичаениот заплет во кој ликовите минуваат различни ситуации за притоа да стигнат на нивниот концерт.
Mистериозен странец пристигнува на сред крвава караница помеѓу два клана за закопано злато. Оваа веќе позната |
